ارجو من الجميع الدخول والرد

13-07-2008, 05:41 AM

حاااااار ويستاهل وقفة والشجاع والصريح يدش

السلام عليكم ورحمة الله وبركاته

اليوم يا اعضاء هالمنتدى الكرام..حبيت اطرح عليكم مووضوع او نقطه تستاهل انا نوقف عندها..
ليش دايما نسمع هذا فنان او فنانة وبالتحديد هذا ممثل او ممثله الله يعلم شو وراهم!!! يعني شو بيكون وراهم؟؟!! ..(وراهم اهل وناس ورب مثل ما انتو وراكم ويمكن اكثر عنكم)...
ليش مجتمعنا ما يشجع الابداع؟؟ ليش نقتل طموحات ابناء مجتمعنا؟؟ ليش نضطهد الممثلين ونظلمهم وبالتالي نظلم انفسنا لان الظن سوء..اثم..والاثم يؤدي الى غضب الله..وفي النهاية نارجهنم وعذاب النفس وشقاها بسبب فكرة او كلمة عن فلان ولو كانت كلمة بسيطه فهي تجرح وتالم الانسان او الممثل لانه شخص له مشاعر واحاسيس وكرامه لما يشتغل ويتعب المفروض نوقف وياه نشجعه ونثني عليه ونشكر تعبه مب نحاربه ونوقف فويهه ونجرحه بالكلام ونرمس عليه وماادري شو ترا مثل ما تجرحون الناس وتالمونهم بتتالمون وبتتعذبون فنار جهنم اذا كنتو ظالمين لهالشخص..لا تقولون مستحيل فلانة انا شايفه لها صورة ولا فيديو ولا شايفتنها بعيني ولا غيره يمكن وحده تشبها او يمكن الصور مكيده من ناس وتركيب ترا عيال الحرام اللي ما يخافون ربهم هالايام وايد...وكلنا نعرف مدى التطور التكنولوجي هالايام وكثر البرامج اللي اخترعوها يعني يقدرون بكل سهولة من خلال هالتكنولوجيا اللي اساؤو استخدامها انهم يسوون اي شي او حتى يمكن حد مصورنها بدون ما تدري المسكينه او ربيعتها منقعه فيها نذاله يعني حطو الف توقع ومبرر لانه يوم القيامه بتحتاجون لالف مبرر تبررون فيه السبب اللي دفعكم الى الرمسه والنميمه والظلم والحش في الناس ...وحتى لو كنتو متاكدين مليون بالميه من هالاشاعه او هالخبر لا تقولونه لانكم بتقولونه جدام فلان وفلان بيقوله لربيعه وربيعه بيقوله لربيعه وجي بينتشر الخبر او الاشاعه وبالتالي كل هالاثام عليك ياللي طلع من لسانك هالكلام تخيل اثااااام كل هالناس عليك ليش تورط عمرك وترمس من الاساس يعني بتموت لو قبضت عمرك وما رمست عن فلان وعلان ..وحتى لو رمست عن هاشلخص وكان كلاااامك كله صح انت شو بتستفيد يعني؟؟؟بتربح جائزة ولا كنز؟؟لا بتصير بطل يعني لانك قدرت تجمع اكبر عدد من السيئات والاثام؟؟؟ خلاص خاف ربك ولا ترمس فكل من الحالات سواء كنت متاكد من هالخبر او مب متاكد..كل واحد يحاسب نفسه ويطالع عمره عدل ويشوف عيوبه قبل لا يرمس على الناس وعيوبهم كل واحد عليه بنفسه ومب انت اللي بتادب فلان ولا بتحاسبه ترا الله فوقنا وبيحاسبنا جميعا....انا ما اتكلم عن الجميع ترا في عقول واعية تنظر الى الفن على انه مهنه شريفه وهو فعلا مهنه شريفه لكن هالنوع من الناس اقليه...ترا يا جماعه التمثيل نوع من انواع الفن ويكفي ان اسمه فن يعني اللي يملك هالقدرة فنان ومب الجميع عندهم هالقدرات هاذي هبه من الله ولازم نشكر ربي ونحمده عليها ونهتم بهالموهبه ونصقلها والفن وبالاحرى التمثيل من اسمى الفنون وارقااها..مش كل ممثل انسان سيء او ما وراه اصل..او صايع او قليل ادب او......الخ من كلام تافه وسخيف ما يدل الا على ضعف شخصية قائله وعدم قدرته لفهم الامور والنظر الى الاشياء نظرة صحيحه وعدم تقديرها..ترا الممثل هو اللي يفرض هالشي اذا كان سيء ولا لا ...انا مااانكر في وايد ممثلين الله يستر عليهم..بس اللي دفعهم الى انهم يكونون على هالحال مب التمثيل انما هم انفسهم اللي دفعو انفسهم وشوهو صورة التمثيل وسمعة الممثلين وظلمونا معاهم..وفي نفس الوقت في ممثلين محترمين ومحتشمين يظهرون على الشاشه بكل احترام وحشمه يؤدوون ادوارهم بكل ثقل ورزانه ويكون وياهم مرافقه من الاهل يعني هم فالحفض والصون عندهم حدود وادب مثلكم انتو تماما ويمكن اكثر عنكم..وش فيها لو الانسان طلع على الشاشه بكل احترامه وحشمته ملابسه مستره ولو هي حرمه شيلتها على راسها ووياها حد من اهلها وش فيها يعني؟؟ لازم تصير قليلة ادب ومادري شو وماادري شو من كلام فارط وماله معنى ولا داعي الا الغيره؟؟ ترا التمثيل مهنه شريفه مثل كل المهن..ولا هو عيب ولا هو حرام..فتحو عقولكم انظروا الى الاشياء نظره واسعه متفهمه عاقله مثقفه واعيه..خوزو هالغشاء عن عيونكم مب عيب هيه نعم مب عيب ما ارتكبنا غلط وكل شخص يفرض شخصيته مب كل الممثلين يتبعون نفس السلوك ولا كل الممثلين يملكون نفس الاخلاق ترانا بشر مثلنا مثلكم ..ولا هو حرام..لانا قاعدين نوصل رساله شريفه ما..دام انه المشهد محترم ومحافظ على حدوده والممثله شيلتها على راسها وملابسها محتشمه ومب لاصقه فالممثل..وفارضه شخصيتها فالوسط اللي هي فيه ويكون دايما حد من محارمها مرافقها اربع وعشرين ساعه وادوارها هادفه ولها معنى وهدف وغاية سامية وما تقبل باي ادوار او مشاهد مخله بالاداب او مخالفة لتعاليم الدين الاسلامي مب حرام..ولا تقولون الممثله تكون موجوده فوسط متروس رجال..ترا قلنا محرمها وياها..وبعدين معظم المهن هالايام اذا ما كانت كلها تفرض على المراة التواجد بين الرجال حتى الطبيبه ..ليش ما قلتو عن الطبيبه نفس اللي تقولون عن الممثلين ..لا تنظرون الى بعض الممثلين الذين شوهو صورتنا وصار همهم الوحيد الظهور على الشاشه للتشلح وعرض ملابسهم الغير محتشمه ومكياجهم والقبول باي مشهد يعرض عليهم..حرام عليكم يا جماعه خافو ربكم لا تظلمون ولا تجمعون لو نظرتو ودققتو النظر لوجدتم ناس في قمة العفه والطهارة والادب والالتزام ومحافظين على صلاتهم فاوقااتها ومب اي ناس ناس لها اصول وجذور عريقة ولا تقبل باي دور واي مشهد..تظهر على الشاشه لايصال رساله ما..لممارسة هوايتها..وتنمية نفسها وقد تكون لكسب الرزق..او صقل الموهبه..سبحان الله ياما ممثلين انظلمو وكسبو حسنات كبر الجبال ليش؟؟؟ بسبة كلام الناس عنهم والاشاعات اللي تطلعها ناس انا اعتبرهم حثالة المجتمع ناس تملا قلوبها الغيرة والحقد والحسد ما يبون غيرهم يوصل لانهم مب قادرين يوصلون فيكون سلاحهم الوحيد لمحاربة الناجح الكلام من ورا ظهره والحش فيه والغيبه والنميمه يا ويلهم من الله بس يا ويلهم ويلاه..سبحانك ربي خلقت ناس مختلفة اختلاف شاسع عن بعضهم مع انهم من طبقه واحده او من ذوي مهنه واحده او ميول واحد او مجتمع واحد او حتى منزل واحد..سبحانك ربي..اهدي الجميع..واستر علينا وسامحنا يارب ان زلينا ووفقنا وانصرنا على الحاسدين..في كل مكان الزين والشين فانتبهوا ايها الناس على السنتكم واحسبوا الف حساب قبل لا تطلع كلمة من لسانكم ولا تظنون باحد ظن سوء وفكرو عدل قبل لا تطلع اي كلمة منكم عن فلان ولا علان او تصدقون واحد ماعنده شغله الا القيل والقال لان الله بيعاقبكم عليها عقاب شديد مب كل اصابع ايدينك نفس الطول واللي ما يطول العنب حامضن عنه يقول..وحاولو قدر الامكان التصحيح من نظرتكم الظالمة الى الفن والتمثيل وبعض الممثلين وحاولو تساعدون غيركم في تصحيح هذي الفكرة وهذي النظرة للننظر الى الفنان او الممثل على انه مبدع يستحق كل ثناء وتقدير وتشجيع واحترام واعجاب ومحبه..اوصلو هذي الرساله الى الجميع ساهمو في اصلاح مجتمعنا وتحقيق نجاحه وتنمية النفوس المبدعه ومساعدتها على اظهار ما في نفوسها من ابداع كامن ومخبا خوفا من نظرة الناس والمجتمع اليهم ..ساعدو في نجاح ابناء مجتمعكم وبالتالي نجاح مجتمعكم ودولتكم مما يعني نجاحكم..وفالاخير ما يصح الا الصحيح ..والسموووووووحه على الاطاله والمغثه وانتظر الردود..

شبكة سمو المشاعر

13-07-2008, 06:21 PM

يا جماعه يا اعضاء المنتدى وينكم ابي تعبير عن رايكم ابي ردود ..شو جي ها اول موضوع لي وما القى منكم تفاعل بلييييييييييييييز دشو وردو وعبروا ابا اقلامكم محتاجه لارائكم..في انتظار الردود والتفاعل ولا ما رح انزل موضوع مرة ثانيه..

14-07-2008, 12:11 AM

اووووووووووووووه شو جي انا تعبت على هالموضوع ابا ردوود حرام عليكم....شكله الموضوع ا عيبكم انزين على الاقل جاملوني ..ردو باي شي...والله فيني صيحه..

14-07-2008, 12:22 AM

هههههههه لاتستعيلين بيردون عليج

والله أختي أنا أشوف مجتمع الاماراتي يشجع على الابداع عكس الكلام المذكور
بس أكيد كل شي بحدود

14-07-2008, 12:58 AM

عطرت الموضوع مغرم بمرورك الطيب...انزين وانا ما قلت شي غلط ما تعدينا الحدود...واشكرك مرة ثانية على ردك ومرورك الطيب ياخوي ..واتقبل وجهة نظرك شو ما كانت..

14-07-2008, 01:16 AM

موضوع رائع وأسئلة وجيهة وتشكرين على هذا الجهد أختي العزيزة.
إن عملية قتل المواهب ليس في بلادنا وحدها بل في كل بلاد الدنيا. وخاصة في دول العالم الثالث، حيث يكثر الفقر والجهل والتخلف. ولا ينظر للكاتب أو الروائي، ويوصف بالجنون. ولا أحد يستطيع تنمية الموهوب، ويستثمر قدراته وأفكاره، فيضطر للسفر إلى بلدان تقدر قيمة موهبته. وتشجعه على تنمية مواهبه. وظاهرة قتل المواهب موجودة في كل مكان يعمل فيه الإنسان الموهوب في بيته وفي عمله وفي مدرسته إذا كان طالباً. وهي طبعاً موجودة في المدارس فهناك أطفالاً موهوبين في الرسم وآخرين موهوبين في المسائل الرياضية، وغيرهم موهوبين في كتابة الشعر والقصص القصيرة وغيرها. فإذا لم يشجع هؤلاء الطلاب ولم يدعموا ولم يتم الوقوف بجانبهم والإهتمام بهم، فإن موهبتهم ستقتل.
فالشخص الموهوب هو ذلك الذي منحه الله سبحانه وتعالى سرعة في الإدراك وسعة في العلم وذكاء في العقل يميزه عن سائر أقرانه، فترى طفلاً صغيراً يستطيع حل مسائل رياضية صعبة وهو لا يتجاوز الخامسة من عمره. وآخر يحفظ القرآن الكريم وهو لا يتجاوز السادسة من عمره. فالطالب الموهوب والمتفوق لا يترك دون تشجيعه والوقوف معه ومساعدته بتحقيق وتوفير الوسائل اللازمة لتنمية موهبته وأفكاره. وتحفيزه لكي يكون هذا التحفيز خطوة في المزيد من الإبداع إلى الأمام.

14-07-2008, 01:40 AM

بتشقى يا ولد!!!

في البدايه

تشكرين اختي على الموضوع الجيد

وهذي طبعا نقطة مهمه في مجتمعنا

انا الي ملاحظنه حاليا:

انى المواهب الي عندنا ماعندهم طموح اكبر

يعني

نوصل للعالمية

ليش لا

عندنا امكانيات ممتازة

فيعني لازم تكون لجنة تراعي هالشي

وهذي وجهة نظري

والسموحة على الإطالة

تقبلي مروري

اخوك: توكـــس

14-07-2008, 02:08 AM

مشكـــوووورة بتشقـى ياولد

علــى الموضــووع وعلــى المجهــود المبــذول ..

انا وجــة نظــري انه اكبــر دليــل

علـى انــه في تشجيــع للمواهــب التمثيليــة

انه البنــات السعوديــات صاارو ممثــلات ..

رغــم رفـض بعــض مجتمعنــا السعـودي

لهــــذه الفكـــــــره ..

مع احتــرامــي لك يالغاليـــــــــــة ..

تقبلــي مــرووري وتعليقــي

بانتظــــاار جديــد مواضيعـــك ..

دمتــي بكــل بكــل وٍد

ღ.. دلـــــــــــــــع ..ღ

^_^

14-07-2008, 05:24 PM

سمو الغرام...مرورك عطر صفحتي وموضوعي ويعطيك الف عافيه عالرد كلامك صحيح مية بالمية...تووووكس ...وجهة نظرك فانتك عيبتني فرحتني والله وانا اوافقك الراي...دلع..يعل ايامج كلها دلع ..مرورج كان نسمة لطيفه خفيفه ابهجتني وكلامج صح بس يا ليت يصير في وعي اكثر من قبل المجتع لهذه الموهبة..

14-07-2008, 07:14 PM

سلام عليكم ورحمة الله

بداية كلامي اشكرج ختيه على هالطرح الاكثر من رائع

وكلامج هذا يدل على كثر محبتج للموهبه هاااي
الي هب موجوده عند كل الناس

انا ممثل هاوي وياما هاجموني ورمسوا من وراي
بس ليش اسمع لناس دامني خايف ربي
واعرف انا شو اسوي واهلية يعرفون انا شو اسوي

تراج قلتي اصابع الايد هب نفس الطول
وهذا دليل على نوعيات تفكير الناس

ودام الواحد راضي ربه واهله ما عليه من شي
يواصل مشواره الين ما يحقق هدفة الي يبغيه

ان شااء الله توصل رسالتج لكل الناس

والسموووووووحه ختية

القلب معتلي

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق