عضـــو ف المطبــــخـ... - الصفحة 10

25-07-2008, 01:18 AM

بنت العين ييت

منطوق جرحي تبين ضرب؟؟ هههههه

تبون الطبخه بطريقتها ولا بس صورة

28-07-2008, 08:25 AM

بالطريقة وبالصورة يا حلوة بس انا اتريا حد يفعل اللعبة عشان انزل طبختي..

28-07-2008, 08:27 AM

تسلمين منطوق جرحي هو الصراحه ما هو ابداع فالطبخ نوع من التخبيص وانشالله اليوم بنزل الصور ^^

28-07-2008, 10:35 AM

بسم الله الرحمن الرحيم..

اليوم يا حلوين بنزلكم كيكة انا سويتها وابوي كان يطالعني ويشرف علي (هو الصراحه هو اللي كان يسوي وانا اطالعه ههههههههه) احم احم المهم..الكيكه حلوة وطريقتها سهله وسريعة..

المكونات + طريقة العمل:

اول شي نحتاج 4 بيضات (بس يتم فصل بياض البيض يعني الزلال فصحن بروحه وصفا البيض بصحن بروحه كما هو موضح فالصور)

صفار البيض في طاسه

زلال البيض بروحه في طاسه صغيره

نحتاج الى 2 كوب طحين ابيض (الكمية على حسب الرغبة وعدد الاشخاص)

نحتاج الى فانيلا مقدار ملعقة كبيرة او كيس صغير كامل منه

[color=FF3399](شكله مخدرات هع)[/color]

نحتاج الى 4 او 5 ملاعق كبيرة زبدة اي ما يقارب 4 او 5 اصابع

نحتاج الى كمية من السمن تكفي لدهن قاع القالب او الصينية قبل لا يدخل الفرن انا احتجت ملعقتان تقريبا

نحتاج الى قليل من بشارة قشر الليمون (يمكن الاستغناء عنه لكنه يضفي طعم رائع للكيكه)

نحتاج الى شوكولاتة نوتيلا او اي نوع اخر لتزيين الكيكه

نحتاج الى 1 فنجان شاي من السكر او اكثر ويكون ناعم مطحون يعني (الكمية حسب الرغبه يمكن ان يكون 2 فنجان او 4)

نحتاج بعد الى صوص الشوكولاته او الفراولة للتزيين بس ماقدرت اصورهم لانه تم القضاء عليهم قضاء مبرحا من قبل بتشقى يا ولد (احبهم ^^)..فاذا تبوني اصورهم وهم فبطني فالكم طيب..

نبدا بطريقة العمل:

يتم خلط صفار البيض والفانيلا اولا بواسطة الخلاط الكهربائي

بعدين نضيف على الطاسة الزبدة وبشارة الليمون ونخلط جيدا

والان نضيف الطحين والسكر شوي شوي بالايد اليسرى وفي نفس الوقت نستمر في الخفق باليد اليمنى..فيصبح الخليط متماسك..

بعد ذلك نستمر في الخفق مع اضافة زلال البيض وذلك حتى يصبح الخليط اقل تماسك..

بعد ذلك نستمر بالخلط حتى يصبح الخليط بهذا الشكل ثم نتركه 5 دقايق ..

ملاحظة: يجب الانتباه على اتجاه الخفق لازم يكون تحريك اليد اثناء الخفق او الخلط باتجاه واحد اما فاليمين او اليسار وذلك حتى لا يدخل الهواء الى الخليط ويفسد انتفاخ الكيكة (عشان تصير اسفنجية)..

الان ندهن قاع الصينية اللي بتدخل الفرن بالسمن

بعد ذلك نسكب يعني نصب الخليط فالصينية المدهونه..

بعد ذلك يتم ادخال الكيكة الى الفرن لمدة من الوقت لا اعلم كم هي الصراحه وعشان جي لا تستغربون ليش طلعت كيكتي محروقة (ممنوع الضحك والله يحليلي اول مرة اسوي كيك)..

اثار الحروق المؤلمة ><

بعد ذلك يتم اقتطاع مربع من الكيكة من الجزء الغير محروق وتغطيته بشوكولاتة نوتيلا وذلك تفاديا لتشويه المنظر وتغطية الجروح والحروق هع هع...

واخيرا قومي باضافة الصوص الشوكولاتة او الفراولة حسب رغبتك وقومي بتزيين القطعه على كيف كيفج انا ضفتلها بودرة الكاكاو وصوص الفراولة وهذي بعض الصور للشكل النهائي...ادري الشكل مب لين هناك بس ما عليكم والله انه الطعم فااااااانتك...

وفالنهاية اتمنى انها تعجبكم...وجربوها وقوليلي رايكم..ولا تنسون اهم شي الردود الغاوية هالله هالله فيني عاد..واعتذر منكم على هالصور المنقعه لان التصوير من كاميرة فوني ولاني اول مرة اتعامل مع رفع الصور وغيره وغيره يعني اول مرة انزل موضوع يحتوي عصور واول مرة اطبخ كيكة كل ها لجل احلى منتدى بس..والحين ارشح لدخول المطبخ بعدي...

قولو منو؟؟؟

تبون تعرفون؟؟؟

اممممممممممممممممم

خلاص بقول

ارشح...

..****ّ#ّمنطــــــــــــــــــــــــــــــــوق جرحـــــــــــــــــــــــــــــي****ّ#ّ ...[/color]

[color=#FF0000]واسمحيلي اقولج اختي منطوق اني معجبة بشخصج ^^.... وفي انتظار طبختج...

28-07-2008, 10:41 AM

بنت العين سوري والله حبوبة ما انتبهت انه دورج ^^..ولا تزعلين عقب منطوق جرحي انتي ^^

28-07-2008, 10:04 PM

.

.

بتشقى يا ولد ...

اول شي طبختج رهيييييييييييييبة ...

وهذا اونج اول مرة ... ماشالله علييييج ..

وانا امووووووت على الشوكولاه ... ^_^

تسلم ايدج ... وانشالله ناكل من كيكة عرسج

يعطيج العافية ...

وبعدين تعالي تعالي .. بخبرج ..

يعني ماشي في هالبلد غير هالولد

لازم ادخليني مرة ثانية .. للشقى هههههههه

ما عليج لعيووووونج بسوي الطبخة .. وباجر بنزلها

.

.

29-07-2008, 12:54 AM

هههههههههههههههههههههههه مب بس هالولد لازم اخلي كل من حولي يشقون عشان يحسون فيني ^^ ............و اول شي الله يسلمج من كل شر...ثاني شي صدق اول مرة اسوي هالكيك امبوني اييبه جاهز فاكياس نحطله ماي وندخله الفرن..ثالث شي تسلمين وكلج ذووووووق ياقلبي وانا فانتظار طبختج ولا هنتي فديتج...

30-07-2008, 04:26 PM

.

.

السلام عليكم والرحمة ..

الطبخة خلصت ... وهي وجبة عشا خفيفة وبسيطة وسهلة ...

وانشالله تعجبكم ... والسمووووحة منكم بس صورت الشكل النهائي ..

الطبخة عبارة عن 3 طبقات ..

(1) الطبقة الاولى ...

* مارتديلا مقطعة شرائح >>>> او ممكن تستبدلينها بدياي

* طماطم مقطعة مكعبات

* ثوم

* فلفل اخضر مقطع شرائح

* بهارات + ملح وفلفل اسود + مكعب ماجي

* صلصة طماطم ..

كل هالمقادير تحمسينها بجدر بزيت عادي او زيت الزيتون ..

وعقب تحطينيها بصينية بايركس ..

( طبعا الطبقة الاولى ... انتي تقدرين تتحكمين بالمقادير اللي تبغينها

واي نوع من الخضار تحبينها )

(2) الطبقة الثانية ..

بطاطس مقطعة شرائح .... وتقلينها بزيت عادي او زيت الزيتون نكهته احلى

وتحطينها فوق الطبقة الاولى في البايركس

(3) الطبقة الثالثة ..

تحطين في الخلاط الكهربائي

* نصف خبزة

* نصف كوب حليب سائل

* 3 ملاعق جبن

* 2 ملعقة مايونيز

* 1 بيضة + شوي من البكن بودر

وعقب ما تخلطينهم ... تجبينها على الطبقتين في البايركس ..

وبيظهر شكلها جذي ..

وعقب ما تحطينها بالفرن الطبقة الاخيرة راح تنخبز ويصير لونها جريب الذهبي

وهني وعافية ... ^_^

وهذي وردة حب من منطوق جرحي

.

.

31-07-2008, 12:44 PM

اووووووب اوب اوب ما نروم الصراحه ما نروم ...اليوم انشالله بسويها (وانا يوم اقول بسويها ما اجامل) بسويها صدق ...

وتسلم ايديج ياربي وشكلها الطبخه وايد حلوة رغم بساطتها وسهله يعني زينة حق المبتدئين مثلي ^^..

واشكر لج ايضا نشاطج وتفاعلج وتجاوبج ويانا..(احياانا كما هو الحال الان يعجز الانسان عن اختيار كلمات شكر تفي بما يكنه من مشاعر بداخله)..فما اعرف شقولج يا منطوق..بس والله انج قدوة لكل بنت وعضوة في الشاط التجاوب...المهارة..الطيبه..العقل...الرقي..زالاسلوب وبكل شي...دمتي لنا بود يا مراقبتنا...بس نسيتي تختارين منو بعدج...(اظني دور بنت العين17) صح؟؟؟؟

31-07-2008, 12:46 PM

واليوم لعيونج بسير السوق وبييب احلى وردة لاحلى مراقبة وبصورها وبنزلها فالمنتدى لعيونج ^_*

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق