شـاب تعـرض لحـادث بسيــارتـه ..

وكــانت معـه امـه ..

فتـوفيــت الامـ ولمـ يتعـرض الشـاب سـوى لجـروح طفيفــه ..

فقــال هذهـ القصيـــدهـ ..

-----------------------------

يواسيني وانا الميت وحالي يجبر الدمـــعات
تسيل من الذي فيني ويبكي وهو يواسيني

وانا ابكي واتنهد وارسم بالحــــزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحـــــب والرحمات
حرمت النفس من حقها وانا ابكيـــها وتبكيني

وكنه حلم قدامي يقيدني من الصـــــــرخات
ابي اصحى ولكني عجزت القى اللي يصحيني

فداك القلب يايمه ومهما قلت من كلمـــــات
صغيره في كبر حقك بس اتمنى تعذرينـــي

نهبت الفرح من بيتي صحيح اني خسيس الذات !!
صحيح اني ولد طايش وكل ما أسمــعه فيني

تجول عيونهم فيني تفصل مني قيــاسات
وتشيح وجوههم عني وكني غيــــــرت ديني

يظنوا حزنهم اكبر وهم اصحاب هالـــمأساة
وانا اتحدى اذا فيهم ربع ما يحترق فينــــي

نقص قدري بعد موتك وغابت نشوة الــلذات
وصار الهم عكازي اباكيه ويباكينــــــي

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفينـتــــي

يايمه ارجعي كافي ابجلس معك لو لحــــظات
واقبل ايدك ورجلك وافرش لك رمش عينـــي

يايمه ما تحملهم يقولوا فات ما قد مــات
تعالي غيري هالقول واطيعك باقي ســنيني

واترك عادة التدخين وانفذ ما تبين بســــكات
واصلي الفجر في المسجد قبل منتي تصحيني

يايمه ارجعي تكفين وطفي شمــــعة الآهات
ابيك انتي ولا غيرك على موتــــــك تعزيني

وضميني وداويني مثل ما كانت الهقــــوات
ما ابي احد يواسيني ابيك انتي تواســـيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكــــــيني